Saturday, April 13, 2013

Raat gayi...


raat soe nahi khwabon ke darr se
jaagte rahe kalam ka daaman pakad ke
darte rahe kahin neend na chhal de
aankhon ko dhokhe se moond ke chal de    
jalte rahe laalten ke sath sath
kaagaz pe bechain chatle rahe sard hath
aankhein banaai toh aansu sath bann aae
maano alfaaz saare siyaahi mei chann aae 
raat gaadhi hoti rahi ghadi ki aavaz se
hum dhuaan hote rahe kaayaron ke andaaz se
subah ki pehli aahat se kuch sukoon aaya
par bojhal aankhon ko faqat junoon aaya
socha phir darte darte raat ko zaaya kyu kiya
kambakht khwabon ne khuli aakhon ka rasta dhund liya.

2 comments:

  1. raat ka koi kasoor nahi..
    woh iss aas main baithi rahi
    ki jaane kab
    ye apne kalam ki syaahi ki udelegi
    uski har harqat aur unme chhupi
    jazbaaton se khelegi
    goya usko ye ilm tha
    ki in daayron me chhupa lamha
    kisi shayar ka hai
    jo apni sheh khel jaayegi
    kuch bhooli bisri suna
    baaton me buni dosti subah hote hi
    kisi panne ke supurd kar aayegi

    ReplyDelete
  2. achaaaa toh ye aap hain Navin ji... hum kabse soch mei baithe hain ki itna quadrdaan kaun hai hamaari kavitaaon ka jinhe itni fursatt hai ki unhe padhein bhi aur itne sundar comment bhi karein. aadatein bigaad rahein hain aap hamari...par thankyou so much. :)

    ReplyDelete