Thursday, May 5, 2011

Kal Aaj aur Kal

nanhe nanhe haathon se jab cement ke ghar banaate thhe
phir park ke nalke ke neeche sab yaar milke nahaate thhe
ma aur daadi cheekh cheekh ke chhat se bulaya karte thhe
aur hum sharma uncle ke ghar ke pichey chhip jaya karte thhe

har sunday miley panch rupaiyon se kulfi khaya karte thhe
aur kabhi kabhi bachaake paise bada baloon laya karte thhe
phir aya mera birthday aur shehzaadi hui nau saal ki
aur papa laye cycle ek, jiski ghanti thi kamaal ki

bas uss din se toh ghar aatey hie basta phenka garden mei
aur bhari dhup mei nikal padey hum roz ki apni gasht pe
chote bhaiya ko bithaa ke badey dhyan se apne peeche
saer sapaata dhamaa chaukdi khule aasman ke neeche

bhaiya toh jaise thhe navaab aji unke badey thaath thhe
ghunghraale baal,chamakti aankhei, chote chote haath thhe
unhi chotey chotey hathon se vo pistol chalaya karte thhe
jab naya khilona nazar mei aae toh hamei bulaya karte thhe

“ab bas hua ye pistol vistol nahi aati hai raas hamei
vo laal santro choti vali lagti hai badi khaas hamei”
aur hum gullak utaarte phir mandir se sambhal ke
aur hairpin aur clay se jhatt se paise thhe nikal te

phir bhaiya-didi hath pakkad ke market jaya karte thhe
aur laal santro,kalaa chuha,cosco laya karte thhe
badey massom badey natkhat badey bhole badey nadaan thhe hum
bachpan mei iss bachpan se naraaz thhe anjaan thhe hum

phir sweater, frock aur chappal hamei ho gae chotey
aur jootey ke size bhi har season change hotey
aur hamne seekh liya cycle chod scooty chalana
chod dia lukka chuppi aur sadkon pe ganaa

ab na hum nalke ke neeche nahaya karte thhe
aur na hie sharma uncle ke ghar jaya karte thhe
cheeku aur bittu ke hath pakadne mei jane kyu sahrm aati thi
aur ye vahi dost thhe jinke kandhe pe baith mai shehtut khati thi

pehle sath daudte doston ko hum zakhm nahi marham dete thhe
pehle jo na lage apna sa ussey tab hie katti keh dete thhe
pehle badey hone ki hod thhi ab bachpan ki chaah hai
pehle rahein hie manzil thi, ab manzil ke liye raah hai

12 comments:

  1. unbelievable! like how..! every line exactly the same..! there is a telepathy...! i am actually surprised..! ek dum ek jaisa ek samay ar kaise ho sakta hai..! good wrk..! dil ko choo gai do char panktiyaan toh khaas kar..:)

    ReplyDelete
  2. So FUCKING poignant... laughter, smiles, cries, longing, depth... emotions ki baad hai teri poem mein... :) Bohot hi sundar likha hai. Every line is soooo poignant, every word, oh my god, I loved it. You are an amazing poetess, the choice of words and the style of writing- you somehow know how to amalgamate the best of both the Worlds :) Loveliest <3 Superaaaa cutessst <3

    ReplyDelete
  3. Childhood revisited once again. Simply loved the simplicity of words and abundance of feelings. Keep it up.

    ReplyDelete
  4. @rashmi: lagta hai ab hamare pyar ki hadein paar ho gayi hain :D :D ;) and mai janna chahungi vo kuch panktiyaan. :)

    @prii: this is far more than i deserve :D I always say the author himslef might not be as great as the readers make him coz the emotions of a piece multiply with the readers own when he reads it. but thanks a lot I'm humbled :)

    @anon: thank you so much

    @stolen halo -_-

    ReplyDelete
  5. Straberrryyyyyy.. All I could do was smile. and get lost in the "oh yeah. That was the life".

    ReplyDelete
  6. @stolen halo: that makes me go all eeeeeeeeeeeeeeeeeeeee (i am a very 'eeeeeee' person)
    :)

    ReplyDelete
  7. Damn. I've never been so good in Hindi but I understood everything. Such elaborate Hindi. :)

    One of the few genuinely good Hindi posts in Blogspot I've ever come across.

    ReplyDelete
  8. @artemnesia: somehow m more closer to hindi, most of my severely heartfelt poems/stories are in the language. :)

    thank you so much for the appreciation :)

    ReplyDelete
  9. well said...loved d last line most...dis is one of d best u have written n certainly d best i have read :)

    ReplyDelete
  10. @abhinav... thank you so much, I'm humbled :) yyaaeeyyy

    ReplyDelete
  11. its soooo pretty and amazing .. lovely indeed :)

    ReplyDelete
  12. Hey keep posting such good and meaningful articles.

    ReplyDelete