Gulzar sahab... ek kalam jiski siyaahi se meri ungliyan raushan ho jaati hain

"Ravivaar ki dheemi nabz pe baitha
Maano marzi se sar bandha marz
Aisa koi shayar mil jae agar
Jo neendon ko sona sikha de
Dil mei ghar kar jae iss qadar
ke khushi se rona sikha de"

Mohar

Vo zamaana aur tha

Jab dil ki galiyan maidaan hua karti thi

Vo zamaana aur tha

Jab dil ki galiyan maidaan hua karti thi

Ab toh surat-e-haal ye hai ki

Daraaron tak mei malba quaid hai

Daakhila toh muft hai magar iss

Tehes riyaasat ki murammat ke

Tamaam akhrajaat tumhare hain

Bhardo jo haami lakeeron ki daleelon ki

Bhardo jo haami lakeeron ki daleelon ki

Toh tamaam kaghazaat tumhare hain

Mai ye nahi kehti ki tabaah sheher mudh ke saans nahi bharte

Na ye munaasib kehna ki bevafa baaz dafa wafa nahi karte

Haan magar seelan se namm eeton se

Mehel banaane ke khwab tumhare hain

Zang quaid taaron se taaj bunn pao agar

Zang quaid taaron se taaj bunn pao agar

Toh baanh pe ghaat diye baaz toh kya

Moondi ankhon mei chipe surkhaab tumhare hain

Image courtesy: GypsyH , Deviant art